Wie dat all aanjefange hät...

 

Jo also, dat wor esu: Dä Döres un dat Tini, die hatte

jo ald lang Spaß aan dä ahle kölsche Leedcher jehatt.

Üvver die Rümcher vun dä Leedcher deihten se sich

dobei jedesmol schlapplaache un wäje dä intressante

Melodije ärg ameseere. Do wor et jot, dat dä Döres

op eimol dä Drih kräje hät, och noch op der Quetsch

ze spille. Denn op die Wies wor et müggelich, dat mer

die Leedcher och ens en der Stammkneip, dä Umleitung einfach su spontan singe kunnt. Die Lück en dä Weetschaff wore all total vun de Söck, se deihten sujar sammele för en Kneipe-Quetsch, un dann wor et off esu, dat sich dä Döres naaks de Quetsch ömhänge deiht un et duurte jar nit lang, do wor dä janze Lade am Singe…

 

Eijentlich wor et esu, dat die Freud aan der ahle kölsche Leedcher vun denne Lück en uns Stammkneip uns üvverzeug hätt, dat mer die Leedcher och ens opnemme möht, domet mih Lück se villeich ens aanhüüre künnte… zesamme met däm „Schmal“ Wolfjang Seyffert woodt dat jemaht un op eimol wor en Krätzjer-Kapell jebore. Jetz fählte nor noch der Name för dat neu Schmölzje, doch och dä woodt jefunge: SakkoKolonia - Krätzjer, Kölsch und Kokolores. Eja… Su hät dat all aanjefange.

 

Hauptstatione en dä Johre:

 

Juli 2020

Optrett aan dä fresche Luff em Rahme vun dä "Edelweiß-Piratetour" en der Kölner Südstadt. Un donoh jitt et eets ens allein Corona-Blues...

 

Mäz 2020

Solo-Kunzäät "Krätzcher'n Blues" em Kulturausbesserungswerk en Leverkuse-Opladen.

 

Februar 2020

Op Besök bei dä Kleinkunssetzung "Kabarett trifft Karneval" em Kulturausbesserungswerk en Leverkuse-Opladen.

 

November/Dezember 2019

Op Besök bei dä "Mess op Kölsch" en St. Ursula. Widder ungerwägs met Chressdagsprojrämmcher in Kölle un drömeröm...

Hillig Ovend dann traditionell widder der Besök bei der „Chressmett op Kölsch“ vun der St. Paulus Jemeinde vun de Ahl-Hillich-Katholische Kirch.

 

Oktober 2019

Kunzäätprojramm em Consilium im Rathaus zesamme met de Kulleje vun "Quetsch un Flitsch", Walter Oepen un Wolfjang "Schmal" Seyffert em Rahme vum drette "Kölner Krätzjefess".

 

Februar 2019

Op Besök bei dä Kleinkunssetzung "Kabarett trifft Karneval" em Kulturausbesserungswerk en Leverkuse-Opladen und bei kleinen karnevalistische Veranstaltunge en un öm Kölle.

 

Dezember 2018

Widder ungerwägs met Chressdagsprojrämmcher in Kölle un drömeröm...

Hillig Ovend dann traditionell widder der Besök bei der „Chressmett op Kölsch“ vun der St. Paulus Jemeinde vun de Ahl-Hillich-Katholische Kirch.

 

Oktober 2018

Kunzäätprojramm em Sion am Dom zesamme met de Kulleje vun "Quetsch un Flitsch", Walter Oepen un Wolfjang "Schmal" Seyffert em Rahme vum zweite "Kölner Krätzjefess".

 

Juni 2018

Solo-Konzertprogramm "Solo em Kunzäät: Krätzcher em Sakko" im Rheinforum Wesseling.

 

Januar 2018

Widder op Besök en Dürre em Huus vun dä Stadt Dürre bei der diesjöhrije "Närrische Akademie".

 

Dezember 2017

Widder ungerwägs met Chressdagsprojrämmcher in Kölle un drömeröm...

Hillig Ovend dann traditionell widder der Besök bei der „Chressmett op Kölsch“ vun der St. Paulus Jemeinde vun de Ahl-Hillich-Katholische Kirch.

 

Oktober 2017

Kunzäätprojramm em Consilium em Rothuus zesamme met de leeve Kulleje vun "Quetsch un Flitsch", Walter Oepen un Wolfjang "Schmal" Seyffert em Rahme vum eetste Kölner Krätzjefess.

 

September 2017

Kunzäätprojramm em Alten Brauhaus auf der Vringsstroß en der Reih Heimatverein Ahl-Kölle en der Weetschaff.

 

Janewar/Februar 2017

Op Besök bei Setzunge, Flüstersetzunge und kleine karnevalistische Veranstaltunge en un öm Kölle.

Kunzäätprojramm em Schloß Eulenbroich en Rösrath.

 

Dezember 2016

Widder ungerwägs met Chressdagsprojrämmcher in Kölle un drömeröm: U.a. Kunzääte em Rheinforum Wesseling un em Hotel zur Post en Dabringhausen.

Hillig Ovend dann traditionell der Besök bei der „Chressmett op Kölsch“ vun der St. Paulus Jemeinde vun de Ahl-Hillich-Katholische Kirch.

 

November 2016

Op Besök bei däm Kunzäät vun der Capella villa Duria zo'm Sessionsaanfangk em Huus der Stadt Dürre.

 

Mäz 2016

Kunzäätprojramm em Früh am Dom en der Reih "Früh's kölsche Mundart" em Brauhauskeller.

 

Janewar/Februar 2016

Op Besök bei Setzunge, Flüstersetzunge und kleine karnevalistische Veranstaltunge en un öm Kölle.

 

Dezember 2015

Widder ungerwägs met Chressdagsprojrämmcher in Kölle un drömeröm: U.a. Em Hähnche en Brück bei der "Adventszick op Kölsch" un en Nievenheim.

Hillig Ovend dann traditionell der Besök bei der „Chressmett op Kölsch“ vun der St. Paulus Jemeinde vun de Ahl-Hillich-Katholische Kirch.

 

November 2015

Zesamme me'm Hans Schuster jestalte de Sakkos zwei Messe op Kölsch, die ein en St. Paul, de andere en St. Maria Lyskirche.

 

Mai 2015

Kunzäätprojramm em RheinForum Wesseling.

 

Februar 2015

Un widder de Nubbelverbrennung, widder me'm Freddy Böhmer em Senftöpfchen Thiater Köln. Ene besondere Jass wor diesmol der Willibert Pauels „Ne berjische Jung“.

 

Janewar 2015

Ihrung zo'm „Equester humoris causa“ bei de KG Fidele Ritter von Sand.

 

November / Dezember 2014

Op Besök bei der „Mess op Kölsch“ en St. Paul, Köln.

Widder ungerwägs met Chressdagsprojrämmcher in Kölle un drömeröm: U.a. op Besök en der „Kölsche Weihnacht en Bergisch Gladbach“ em Berjische Löw, en Eischeid und Zülpich.

 

Aujuss 2014

Kunzäätprojramm zesamme me'm Hermann Hertling em Hoeren Hof en Korschenbroich-Raderbroich. Zesammejeknuuf vum Verein zur Pflege und Förderung der Mundart im Rhein-Kreis Neuss, Heimatverein Korschenbroich.

 

Mai 2014

Deilnohme aan der Jedenkfeier för der Heribäät A. Hilgers un der Willy Reissdorf, zesammejeknuuf vum Heimatverein Ahl Kölle em Beljische Huus, Köln.

 

Mäz 2014

Traditionelle Nubbelverbrennung diesmol me'm Freddy Böhmer em Senftöpfchen Thiater Köln.

 

Dezember 2013

Widder ungerwägs me'm Chressdagsprojramm en Kölle un drömeröm: U.a. op Besök en der „Kölsche Weihnacht en Bergisch Gladbach“ em Berjische Löw, en Leverkuse, Sürth un Pullem.

Wie em letzte Johr widder op Besök bei der „Chressmett op Kölsch“ vun der St. Paulus Jemeinde vun de Ahl-Hillich-Katholische Kirch.

 

Oktober 2013

Interview bei Center TV. Et weed üvver et Thema "Kölsche Krätzjer" jeschwadt.

 

September 2013

Op Besök beim Huusfess vum Evanjelische Kircheverband Köln.

 

Juni 2013

Et jitt ne janze Ovend lang e Kunzäät: "Solo em Kunzäät" em Kölner Senftöpfchen Thiater.

 

Februar 2013

Traditionelle Nubbelverbrennung me'm Volker Jröbe em Senftöpfchen Thiater Köln.

 

Dezember 2012

Widder ungerwägs me'm Chressdagsprojramm en Kölle un drömeröm: U.a. op Besök en der „Kölsche Weihnacht en Bergisch Gladbach“ em Berjische Löw, en Dürre, Burg Konradsheim, Leverkuse, en der Sartory Säle und och em Kölner Senftöpfchen Thiater.

Un dann widder op Besök bei der „Chressmett op Kölsch“ vun der St. Paulus Jemeinde vun de Ahl-Hillich-Katholische Kirch.

 

November 2012

Noch ens: "Nubbelauferstehung" em Senftöpfchen Thiater Köln: "Die wundersame Wiederkehr des Nubbel" - widder zesamme me'm Volker Jröbe.

CD-Präsentation en der Kreissparkasse Köln: "Kölsche Evergreens Nummer 38", dodrop sin zwei Leedcher vun SakkoKolonia.

 

Oktober 2012

Et jitt ne janze Ovend lang e Kunzäät em Wieße Holunder.

 

Aujuss 2012

Solo-Kunzäätprojramm em Hoeren Hof en Korschenbroich-Raderbroich. Veranstaltet vum "Verein zur Pflege und Förderung der Mundart im Rhein-Kreis Neuss, Heimatverein Korschenbroich".

 

Februar 2012

Traditionelle Nubbelverbrennung me'm Volker Jröbe em Senftöpfchen Thiater Köln.

 

Janewar / Februar 2012

Op Besök bei der Setzung vun dä Närrische Kolpingfamillich en Opladen, der Senioresetzung en Raderthal, däm Jala-Ovend der Fidele Ritter vun Sand, der Setzung vum Pullezeichor vun Kölle un bei der Fastelovends-Veranstaltung vum Heimatverein Alt-Kölle.

 

Dezember 2011

Widder ungerwägs me'm Chressdagsprojramm en Kölle un drömeröm: Su op Besök bei der „Kölsche Weihnacht en Bergisch Gladbach“ em Berjische Löw, en Dürre un en Altenberg.

De siebente CD met Leedcher vun SakkoKolonia kütt erus: „Krätzjer 2 - Gruß aus Köln am Rhein“. - De CD es widder zesammejeknuuf met leeve Kulleje, däm Klimpermännche Thomas Cüpper un Knubbelefutz un Schmalbedaach.

Un och widder op Besök bei der „Chressmett op Kölsch“ afjehalde vun dä St. Paulus Jemeinde vun de Ahl-Hillich-Katholische Kirch.

 

November 2011

Op Besök bei däm Kunzäät vun der Capella villa Duria zo'm Sessionsaanfangk em Huus der Stadt Dürre.

E neu Premiere-Projramm em Senftöpfchen Thiater Köln: "Die wundersame Widderkehr des Nubbel" - widder zesamme me'm Volker Jröbe.

Kneipekunzäät en der Jaststätte Norhausen en Rhingdörp en der Veranstaltungsreih "Thekentöne" vun dä KulturStadtLev.

 

Oktober 2011

Op Besök em Spejelzelt bei dä Odethaler Kulturwoche.

Solo-Projramm em Fesssaal vum Internationale Mundartarchiv "Ludwig Soumagne": Dä Reissdorfs Will un dä Härtlings Hermann krijje aan däm Dag der Franz-Peter-Kürten-Pries.

 

Juli 2011

De Arbeit för de neue CD fängk aan.

 

Juni 2011

Denne ahl Lückcher vum Hätz-Jesu-Heim en dä Südstadt weed en Freud jemaht: Et jitt en Rollstohl-Karawane langs der Rhing. Do jonn de Sakkos och ens en Benefizje maache. Se jonn met un dunn dozo e paar ahle Kölsche Leedcher spille.

 

April 2011

De Planunge fange aan för en neu Sampler-CD "Kölsche Krätzjer 2". Dodrop kumme Leedcher vun unsem Fründ Thomas Cüpper und diesmol och vun Knubbelfutz un Schmalbedaach.

 

Mäz 2011

Och dies Johr widder deiht SakkoKolonia me'm Volker Jröbe zesamme de Nubbelverbrennung em Senftöpfchen Thiater Köln zelebreere.

Solo-Kunzäät beim "Feschesse" vum Reservekorps vun dä Blohe Funke.

 

Janewar / Februar 2011

Op Besök bei der Setzung för de Minsche en dä Riehler Heimstätte, bei dä Pfarrsetzung vun St. Mauritius un bei Saache rond öm der Fastelovend en Brühl.

 

Dezember 2010

Ungerwägs me'm Chressdags-Soloprojramm en Kölle, un usserdäm en Hürth un Dürre.

Och ens widder op Besök bei der „Kölsche Weihnacht en Bergisch Gladbach“ em Berjische Löw.

Un och widder op Besök bei der „Chressmett op Kölsch“ afjehalde vun dä St. Paulus Jemeinde vun de Ahl-Hillich-Katholische Kirch.

 

November 2010

En neu, de sechste SakkoKolonia-CD kütt erus: „Nä, wat en Hellige Naach!“, dat es de zweite CD met Winter- un Chressdagsleedcher. Vun dä eetste Chressdags-CD wore em Dezember 2009 all Plaate fott.

 

September 2010

Op Besök en der Eifel: Solo-Kunzäät "Kölsche Krätzjer - verzällt un jesunge" op der Kleinkunsbühn Stadtkyll.

 

Mai 2010

De Sakkos dunn aanfange aan en neu CD erömzefummele.

 

April 2010

Solo-Kunzäät beim "Sparjelesse" vum Reservekorps vun dä Blohe Funke.

 

Februar 2010

Op Besök bei der Mädchersetzung vun der Pfarre St. Bonifazius en Neppes, der Kostümsetzung der KG Närrische Nord Dürener 1966 e.V. im Huus der Stadt Dürre und der Nostaljie-Setzung vum Fesskumitee Berrerather Karneval.

Un och dies Johr widder deiht SakkoKolonia me'm Volker Jröbe zesamme de Nubbelverbrennung em Senftöpfchen Thiater Köln zelebreere.

 

Janewar 2010

SakkoKolonia - dat Tini un dä Döres - wääde vun dä KG Fidele Kauflück von 1927 e.V.

zo Ihresenatore vun der Jesellschaff jemaht. Usserdäm kumme op dä Fastelovends-

Orde vun dä Jesellschaff dies Johr de Karikature vum Ludwig Sebus un vun dä zwei Sakkos drop - unger däm Motto vun dä Session "Kölle hät jet ze beate".

Op Besök bei der Setzung Anno Dazumal vun der KG Rot-Weiß Siegburg-

Kaldauen e.V.

Un ald widder deiht SakkoKolonia zesamme me'm Charly Plückthun ene

Fastelovends-Nohmeddag en der Residenz am Dom jestalte.

 

Dezember 2009

ungerwägs me'm Chressdags-Soloprojramm en Kölle un usserdäm en Liedberg bei Mönchejladbach, Erftstadt, Dürre un Leverkuse.

Och ens widder op Besök bei der „Kölsche Weihnacht en Bergisch Gladbach“ em Berjische Löw.

Un och widder op Besök bei der „Chressmett op Kölsch“ afjehalde vun dä St. Paulus Jemeinde vun de Ahl-Hillich-Katholische Kirch.

 

November 2009

Op Besök bei däm "Leederovend" vum Heimatverein Alt-Köln.

 

Oktober 2009

Solo-Kunzäät bei däm "Brauchtumsovend" der KG Fidele Kauflück

Opnahme för et WDR-Fäänsehe, för der Film "Dä fromme Jeck"

 

Aujuss 2009

Kunzäät aan der fresche Luff "Kölsche Leedcher vum Krätzje bes zo'm Blues" em Jolfclub Schloss Jeorghausen e.V. bei Lindlar

 

Mai 2009

SakkoKolonia spillt zo'm Jebootsdag vu'm Henner Berzau noch e paar mol dat Kunzäät „Lieder und Chansons von Henner Berzau“ met singe Leedcher.

 

Februar 2009

Zesamme me'm Charly Plückthun deiht SakkoKolonia ene Fastelovends Nohmeddag en der Residenz am Dom jestalte.

Op Besök bei der "Nostaljie-Sitzung Anno dazumal" vun der Ihrejarde vun der Stadt Köln.

Mem Volker Jröbe zesamme deiht SakkoKolonia en ööntliche Nubbelverbrennung em Senftöpfchen Thiater Köln zelebreere.

 

Janewar 2009

SakkoKolonia un de Riehler Jassemusekante spille wäje dem Daach an däm der Henner Berzau jestorve es ene janze Ovend singe Leedcher em Wieße Holunder.

Un ald widder op Besök en Dürre em Huus der Stadt Dürre bei der diesjöhrije "Närrische Akademie".

 

Dezember 2008

ungerwägs me'm Chressdagsprojramm en Kölle un usserdäm en Erftstadt, Bonn-Muffedörp un Leverkuse. Kunzäätprojramm em Kääzmann’s Beckedörper Brauhuus un em Senftöpfchen Thiater en Kölle.

SakkoKolonia op Besök bei dä „Chressmett op Kölsch“ afjehalde vun dä St. Paulus Jemeinde vun der Ahl-Hillich-Katholische Kirch.

 

November 2008

SakkoKolonia, et Klimpermännche Thomas Cüpper und Weber & Weber präsenteere zesamme me'm Reinold Louis ehr neu CD „Kölsche Krätzjer 1“ em Kääzmann’s Beckedörper Brauhuus.

SakkoKolonia op Besök bei däm „Karnevalistischen Konzert zur Sessionseröffnung“ em Huus der Stadt Dürre.

 

Oktober 2008

SakkoKolonia spillt noch ens dat Projramm „Lieder und Chansons von Henner Berzau“ em RheinForum en Wesseling.

 

September 2008

SakkoKolonia spellt e paar Kunzääte "Kölsche Krätzjer - verzällt un jesunge" zesamme met däm Rümchesmäächer Charly Plückthun en Dellbröck, Wiess un em Aejidium en Wahn.

 

April 2008

Optrett bei dä Iehrung wäje däm 70. Jebootsdag vum Kammersänger Kurt Moll op Schloss Burgau bei Dürre.

 

Mäz 2008

Im Janewar hät sich dä leeve Henner Berzau, dä „Puutedokter vun Riehl“ hee op dä Ääd durch de Koot jemaht. SakkoKolonia spillt als Hommage aan dä Fründ et eetste Mol dat neu Projramm „Lieder und Chansons von Henner Berzau“ em huh knubbelsvolle Wieße Holunder. Weil esu vill Minsche die Leedcher jään hüüre wollte jitt et noch e zweites Kunzäät do.

 

Janewar 2008

SakkoKolonia mäht de „Närrische Akademie“ en Dürre, dat es su en Aat Setzung em Huus der Stadt Dürre vun dä KG Närrische Nord Dürener. De „Vörlesung“ stundt en däm Johr unger dä Üvverschreff „Krätzjer, Parodije un Coupletcher - Ene Striefzog durch die Kölner Leedjeschechte vun 1823-1950“. De Vördräg dodrüvver hät dat Dr. Bettina Wagner jehalde un de Leed-Beispillche kumme vun SakkoKolonia.

 

Dezember 2007

Widder ungerwägs met Chressdagsprojramme en Köln un drömeröm. U.a. op Besök en dä „Kölsche Weihnacht en Bergisch Gladbach“ em Berjische Löw.

Un ald widder kütt en CD erus, de fünfte op dä SakkoKolonia drop es: „Krätzjer 1“. - Dat es jetz en CD, die zesamme met leeve Kulleje opjenomme woode es, nämlich me'm Klimpermännche Thomas Cüpper un Weber & Weber.

 

November 2007

De veete SakkoKolonia-CD kütt erus: „SakkoKolonia spielt Lieder und Chansons von Henner Berzau“.

SakkoKolonia spillt noch ens dat Spezial-Projramm „Evergreens us Kölle neu verpack“ em Senftöpfchen Thiater un och noch eimol dä janze Ovend us denne janz ahle Krätzjer „Kölsche Krätzjer - verzällt un jesunge’ diesmol zesamme me'm Armbrösters Will bei'm Heimatverein Alt-Dollendörp und Römlinghoven e.V. em Bungertshoff en Königswinter.

 

Oktober 2007

SakkoKolonia spillt ene janze Ovend e neu Projramm us janz ahle Krätzjer: „Kölsche Krätzjer - verzällt un jesunge’ zesamme me'm Heinz Monheim. Un dat bei dä Bürjervereinijung Köln-Iehrefeld. Usserdäm sin se bei ener „Mess op Kölsch’ dobei, bei dä St. Paulus Jemeinde in Iehrefeld.

 

Mäz 2007

SakkoKolonia op Besök beim Heimatverein Ahl-Kölle. Dä Dr. Henner Berzau weed aan däm Ovend zo enem Ihremetjlied vum Heimatverein jemaht un su spille se zo'r Ihr vun däm Jubelar e koot Projrämmche met Leedcher vum jroße Duo "Schneiwießche un Ruserut".

 

Februar 2007

SakkoKolonia spillt „Evergreens us Kölle neu verpack“ en der Kolonie Eins en Leverkuse-Wiesdörp.

 

Dezember 2006

Zesamme me'm Klimpermännche Thomas Cüpper jitt et dies Johr e neu Chressdagsprojramm en Brühl-Schwadorf, em RheinForum Wesseling un widder em Jemeindehaus Reichshof Eiershagen.

Ze Besök wore de Sakkos en der Chressdagsprojrämmcher em Berjische Löw en Berjisch Jladbach un en dä Philharmonie Köln.

 

November 2006

De dritte SakkoKolonia-CD kütt erus: „live im Weißen Holunder - Evergreens us Kölle neu verpack“.

 

September / Oktober 2006

SakkoKolonia op Besök bei der Kölsch-Revue „Et kütt, wie et kütt“ em Berjische Löw, Berjisch Jladbach usserdäm bei der Berjisch-Kölsche Revue „Mer klääve am Levve’ em "Haus der Menschlichen Begleitung, Pütz-Roth in Bergisch-Gladbach" un och op der „Leverkusener Kunstnacht" em Atelier vun ehrem Fründ, däm Moler Pitter Lorenz.

 

April -Juli 2006

SakkoKolonia spillt et Projramm „Evergreens us Kölle neu verpack“.

 

Janewar 2006

WDR 5-Kunzäät und Opzeichnung för en Hörfunksendung „Kölsche Krätzjer und Bayrische Gstanzl“ em Jloria en Kölle zesamme me'm Engelbäät Wrobel, Jert Köster & Frank Hocker un Monika Drasch & Siegfried Haglmo.

 

November / Dezember 2005

SakkoKolonia es op dä „Lange Naach vun dä Kölsche Museen“ dobei, em Kölnische Stadtmuseum.

Usserdäm dies Johr noch ens als Trio met däm Chressdagsprojramm „Chressdagsleedcher un Adsventskranzkrätzjer“ ungerwägs en Kölle un och widder drömeröm, u.a. em Senftöpfchen Thiater, em Stadtmuseum Siegburg, em RheinForum Wesseling un em Jemeindehaus Reichshof Eiershagen.

 

Juli / Aujuss 2005

Thomas Cüpper als Klimpermännche un SakkoKolonia sin noch ens met „Krätzjer, Kölsch un Kokolores vun Ostermann bes hück“ em Spiejelzelt op dä Landesjaade-Usstellung en Leverkuse.

Am Fort X em Agnesveedel jitt et dies Johr Kunzääte unger freiem Himmel: Kölsch en enem Fort. Do sin de Sakkos dobei un fummele för e Kunzäät e janz neu Projramm „Evergreens us Kölle neu verpack“.

 

Juni 2005

Dä Flitschspiller „Schmal“ Wolfjang Seyffert deiht SakkoKolonia verloße, för öm nohm Hännesche Thiater ze jonn un do de Jitta hinger de Britz ze spille. Et jeiht wigger em Duo.

 

Janewar 2005

Zesamme met däm Thomas Cüpper als Klimpermännche han se e Kunzäät jemaht: „Krätzjer, Kölsch un Kokolores vun Ostermann bes hück“ em RheinForum en Wesseling.

 

November / Dezember 2004

Met däm Chressdagsprojramm „Chressdagsleedcher un Adsventskranzkrätzjer“ ungerwägs en Kölle un drömeröm.

Met Ungerstützung vun dä Kiko-Ajentur kütt die zweite Plaat vun SakkoKolonia erus: „Chressdagsleedcher un Adsventskranzkrätzcher“.

 

Mai 2004

Krätzjer op Jöck - vun 1800 bes hück“ - Dat wor en Krätzjer-Tour durch de kölsche Kneipe. Ald widder met enem neue Projramm! In däm hee han se die janz ahle Leedcher, Krätzjer un Coupletcher jebraht, de miehste dovun wore us däm 19. Johrhundert. Nett wor, dat de Akademie för uns kölsche Sproch me'm Jupp Schmidt un de Kiko-Ajentur me'm Klaus Eschmann se dobei ungerstütz han!

 

Janewar 2004

Solo-Kunzäät em Senftöpfchen Thiater.

 

November / Dezember 2003

E neu Projramm! Un jetz e richtig Chressdagsprojramm: „Chressdagsleedcher un Adsventskranzkrätzjer“. Widder zoeets em Thiater am Sachsenring. Donoh han se dat dann och noch wiggerjespellt, em Brauhuus Töller un och usserhalb vun Kölle.

 

Juli 2003

Do wore se zoeets enjelade, bei dä Jubiläumsveranstaltung der Akademie för uns kölsche Sproch in der Philharmonie Köln metzemaache un donoh han se dat Bühneprojramm och ens en dä Comedia Colonia jespellt.

 

Februar 2003

Do han se dat Projramm och ens em Kulturcafé Leichlinge jespellt.

 

Oktober / November 2002

Widder ene janze Ovend em Thiater am Sachsenring met enem neu Bühneprojramm.

 

Oktober 2001

SakkoKolonia es em Rahme vun der Eetste Kölsche Thiaternaach em Senftöpfchen Thiater ze sinn.

Se tredde beim Vürstellovend vum Literarische Komitee des Festkomitees Kölner Karneval em Sartory op.

 

Aujuss 2001

De Akademie för uns kölsche Sproch me'm Jupp Schmidt deiht sich öm SakkoKolonia kömmere un donoh kütt de eetste Plaat erus: „SakkoKolonia - Krätzjer, Kölsch un Kokolores“.

Et eetste Mol domet op ener richtije Bühn: SakkoKolonia trett em

Thiater am Sachsenring op: zwei Stund Projramm met esu richtig

vill ‘Kokolores’ drömeröm.

 

2000

SakkoKolonia weed jebore.

 

​