Musik

 

Et jitt vill Sigge em Internet, op denne mer Leedcher zo'm Aanhüüre aanklicke kann.

Doför deiht de GEMA eijentlich Nüssele verlange... Ov dat de Lückcher wohl all wesse,

die dat op Ehr Websigge drop han???

 

Mer maache dat dann doch leever anders.

 

Wann Ehr jään ens jet Musik vun SakkoKolonia hüüre wellt, dann müsst Ehr hee

nirjendswo "klicke"... Bei uns jeiht dat vill persönlicher...

 

Nemmt eifach Ühr Telefon en de Hand un roft uns ens aan. Wann mer do sin un och e

bessje Zick han, dann dunn ens jet met Üch verzälle un spille Üch och jään üvver dä Hörer

e aadig Leedche vör. Dat beste dobei es: Ehr künnt uns sage, wat Ehr jään hüüre wellt.

 

Et allerbess es, Ehr versöckt et ens unger dä Nummer: 0221 / 25 28 50

 

Ens hüüre un sinn künnt Ehr uns ävver och ens flöck op unsem Kanal op YouTube.

Joht einfach ens vörbei!

PARODIEN, COUPLETS UND KRÄTZJER