SakkoKolonia CD 1
»Krätzcher, Kölsch un Kokolores«
De eetste CD es janz eng verdengelt domet, wie dat all aanjefange hät met SakkoKolonia.
Nohdäm mer nor för Spaß aan der Freud en der Stammkneip zoeets ens die ahle Kölsche Leedcher einfach esu jesunge hatte, wore de Lück en der Kneip dovun ärg bejeistert. Jo, un dodrus, us
däm Spaß vun denne Lück do es dann em Johr 2000 zoeets SakkoKolonia entstande un tirektemang donoh sin mer en et Studio jejange un han e paar vun dä ahle Leedcher opjenomme: All die Titele, die mer do op der Plaat hüüre kann, sin aan nur einem Wochenengk zesamme un live enjespellt woode. Un jenauesu verjnög un ohne Bräng klingk och de janze CD. Do jitt et zo'm eine bekennte Kölsche Leedcher wie die vum Willi Ostermann ov Karl Berbuer (se all klinge ävver e bessje anders…), ävver et jitt och neue, selvsjemahte Leedcher. Bei denne han och de Texte mih me’m 'Hück un Jitz' ze dunn, su dat dat janze Schmölzje nit janz esu altfrängelig doher kütt.
Dä »Kokolores«, dat heiß dä janze Blödsenn dä SakkoKolonia luuter beim Spille op der Bühn
mäht, dä kann mer sich hee beim Hüüre natörlich nor vörstelle, sinn kann mer dä nit. Et es jo nor
en Musik-CD…
Dä eetste Püngel CD's vun "Krätzcher, Kölsch un Kokolores" han mer üvvrijens ald fott. Mer han
die Plaat ävver noch ens nohmaache losse. Dat Bildche vörre drop es e bessje anders, ävver söns
es expree dat selve drop op der Plaat.
Un die Leedcher sin drop:
1. Herr Schofför (Text und Musik: Karl Berbuer)
2. Dä Klein dä muß ene Nüggel hann! (Text und Musik: Willi Ostermann)
3. Es dat nit schön, en Kölle zo sin? (Text und Musik: SakkoKolonia)
4. Kinddauf-Fess unger Krahnebäume (Text und Musik: Willi Ostermann)
5. Dat verston mer nit (Text und Musik: SakkoKolonia)
6. Camping Leed (Text und Musik: Karl Berbuer)
7. Ov dat alles nüdig es? (Text und Musik: SakkoKolonia)
8. Mem Rädche durch der Königsfors (Text und Musik: SakkoKolonia)
9. Däm Schmitz sing Frau es durchgebrannt (Text und Musik: Willi Ostermann)
10. Sag' ens Blotwoosch (Text: Jupp Schlösser, Musik: Gerhard Jussenhoven)
11. Heimweh (Text und Musik: Heinz Otten)
12. Stadtgaadeleed (Text und Musik: SakkoKolonia)
13. Zentralgestirn 'der ganzen Welt (Text und Musik: SakkoKolonia)
14. De kölsche Lohengrin (Text: Jakob Dreesen, Musik: SakkoKolonia)