SakkoKolonia CD 3

»Live im „Weißen Holunder“ – Evergreens us Kölle neu verpack«

 

 

 

Em Johr 2005 jingk et zoeets drunger un drüvver, vill Veränderunge un och neue Erfahrunge –

de wichtigste wohl, dat mer zickdäm als »Duo SakkoKolonia« ungerwägs sin. Dodurch kom ävver

och dat janze Repertoire aan et rotiere un Neues kunnt entstonn. Dat jilt och för dat Projramm "Evergreens us Kölle neu verpack", dat och en däm Johr entstund.

 

Wann mer et sich rääch üvverläg, log de Idee jo noh. Dä Döres spillt vun Huus us zoeets ens Klavier un Hammondorgel. Dat me’m Quetschspille kom jo eets vill späder dobei. Un esu sin su noh un

noh – zoeets ens widder nor för Spaß aan der Freud – ze Huus am Flüjel neue Fassunge vun vill jroße Kölsche Leedcher entstande. Fassungen us Spaß am Draan-eröm-driehe un us Spaß am Usprobiere, wat dat orspröngliche Leed för neue Müggelichkeite zolasse deiht. Dobei kome dann natörlich vill verschiedene musikalische Stile aan de Reih. De Idee, dodrus e neu Programm ze maache kom eets vill, vill späder…

 

Dat Projramm kann mer op dä Live-CD hee aanhüüre, se es 2006 metjeschnedde woode bei enem Kunzäät en dä wunderschöne Veedelskneip em Beljische Veedel, däm »Wieße Holunder«. Bei denne musikalische Avstecher en vill Stile bejähnt der Ostermann däm ChaChaCha, der Berbuer däm Rock’n Roll un dä Jussenhoven däm Sound vun dä Karibik. Do es mer iehrlich ärg platt, wat do för ene musikalische Krawupptich och hück noch en dä ahle Leedcher stich. – Es et do nüdig expree ze betone, dat de Leedcher op dä CD hee en Hommage sin aan all die dolle ahle Kölsche Leedcher vun fröher?

 

Un die Leedcher sin drop:

 

1. Kinddauf-Feß unger Krahnebäume (Text und Musik: Willi Ostermann)

2. Däm Schmitz sing Frau eß durchgebrannt (Text und Musik: Willi Ostermann)

3. Eets kütt et rut, rut, rut (Text: Klaus P. Urban, Musik: Günter Eilemann)

4. Die Mösch (Text und Musik: Willi Ostermann)

5. Wir sind die Eingeborenen von Trizonesien (Text und Musik: Karl Berbuer)

6. De Geiß wollt ‘ne lange Stätz hann

    (Text: Wilhelm Räderscheid, Musik: »Adelheidche-Schnoor-Melodie«, Willy Köhne, 1894)

7. Woröm solle mer ald en de Heija gon (Text und Musik: Willi Ostermann)

8. Kutt erop! Kutt erop! Kutt erop! (Text und Musik: Willi Ostermann)

9. Die hinger de Gadinge stonn un spinxe (Text: Jupp Schlösser, Musik: Gerhard Jussenhoven)

10. D’r Molli (Text: Jupp Schlösser, Musik: Gerhard Jussenhoven)

11. Heidewitzka, Herr Kapitän (Text und Musik: Karl Berbuer)

12. Sag ens Blotwoosch (Text: Jupp Schlösser, Musik: Gerhard Jussenhoven)

13. Och wat wor dat fröher schön doch en Colonia (Text und Musik: Willi Ostermann)

PARODIEN, COUPLETS UND KRÄTZJER