SakkoKolonia CD 2

»Chressdagsleedcher un Adsventskranzkrätzcher«

 

 

 

2003 han mer aanjefange, uns och met Kölsche Chressdags- und Winterleedcher usenein ze setze. Mer wore domols dobei, dodrus e eije Bühneprojramm zesammezestelle. Un dann wor et widder esu, dat eijentlich de Lück, die sich dat Projramm donoh aanjeluurt han, ob de Idee jekumme sin, dat et doch schön wör, wann mer die Leedcher och op CD aanhüüre künnt. Immer widder han se uns noh su en CD jefrog. Se wollte all jään e bessje vun däm wunderschöne löstig-besennliche Live-Projramm met noh Huus nemme künne…

 

Su kütt et, dat mer op dä CD all die Titele fingk, die mer och en däm Bühneprojramm »Chressdagsleedcher un Adsventskranzkrätzjer« jespillt han. Beim Stivvele vun däm Projramm

hät üvvrijens der Hans Knipp uns ärg ungerstötz un hät Idee un Wööt dobeijedonn. Un su es et jo klor, dat mer op der CD nevve dä eijene Leedcher vun SakkoKolonia vill vun singe ärg bekennte Kölsche Chressdagsleedcher fingk, die och hee widder met vill Humor interpreteet wääde.

 

Dojäge jitt et ävver och janz andere Titele, Leedcher, die met drei Stemme à capella jesunge sin

un ärg alt sin, us dä Renaissance un däm Barock. Ein vun denne Leedcher es et äldeste Leed en dütscher Sproch üvver der Dannebaum, hee ävver natörlich en Kölscher Sproch jesunge. Dat es ene Chorsatz vu'm Melchior Frank un es öm 1600 eröm entstande. Besonders aan der CD es och noch, dat mer hee och av un zo met der Jitta un me’m Cello Leedcher opjenomme han. Dodurch krijje

de höösche Töncher noch jet mih Plaatz op der CD un de Klangfärv es insgesamt och jet ungerschiedlicher.

 

Un die Leedcher sin drop:

 

1. Vör zweidausend Johr (Text: Hans Knipp, nach der Aria »Du mein einzig Licht« von Heinrich

    Albert, 1684, Bearbeitung: SakkoKolonia)

2. Schneiflöckcher (Text und Musik: SakkoKolonia)

3. Mer kummen us däm Morgenland (Text und Musik: Hans Knipp)

4. O Dannebaum (Text: SakkoKolonia/Volker Gröbe, Musik: nach einem Liedsatz von Melchior

    Frank, um 1600 und einem westfälischen Volkslied, Bearbeitung: SakkoKolonia)

5. Weegeleed för et Chresskindche (Text: Wilhelm Hosdorf, Musik: Hans Winkel)

6. Die Drei vun Bethlehem (Text: SakkoKolonia/Hans Knipp, Musik: SakkoKolonia)

7. Die Freuden des Winters (Text vermutl. Joseph Roesberg, Musik: »Donizetti-Melodie«,

    Mitte des 19. Jahrhunderts)

8. Et Noßknacker-Leed (Text und Musik: Hans Knipp)

9. Unser Bäumche (Text: Hans Knipp, Musik: Hans Knipp/Günter Lückerath)

10. Klingeling, wenn et Glöckche lügg (Text und Musik: SakkoKolonia)

11. Nu goht jetz un sidd fruh (Hans Knipp, Bearbeitung: SakkoKolonia)

12. Winter em Dörp (Text: Hans Knipp, Musik: Hans Knipp/Günter Lückerath/Hartmut Priess)

13. Zo Bethlehem gebore, e Kindche en en Kripp

      (Text: SakkoKolonia, Musik: Trad.: russ. Volkslied, Bearbeitung: SakkoKolonia)

14. Gode Naach — Adjüs (Text und Musik: SakkoKolonia)